Prokuroria Themelore në Prishtinë është deklaruar lidhur me vdekjen e Meriton Ramadanit, 45 vjeç, i cili ndërroi jetë në orët e para të mëngjesit së 5 dhjetorit në Qendrën Klinike Universitare të Kosovës (QKUK).

Zëdhënësja e Prokurorisë, Kaltrina Shala, ka konfirmuar se prokurori i shtetit ka lëshuar autorizimin për dërgimin e trupit të pajetë në Institutin e Mjekësisë Ligjore, për të përcaktuar shkakun e vdekjes.

“Lidhur me pyetjen tuaj ju njoftojmë se prokurori i shtetit ka lëshuar autorizimin që trupi i pajetë të dërgohet për obduksion në Institutin e Mjekësisë Ligjore. Prokurori i shtetit, së bashku me institucionet e tjera relevante, janë duke i ndërmarrë të gjitha masat dhe veprimet e nevojshme hetimore. Për çdo informacion të ri, do t’ju njoftojmë me kohë”, thuhet në përgjigjen e Prokurorisë.

Edhe Policia e Kosovës, përmes raportit 24-orësh, ka njoftuar se rrethanat e vdekjes së Ramadanit janë duke u hetuar./Arbresh.info

Ky është personi që humbi jetën në QKUK, ishte i dyshuar për një vrasje

Policia nis hetim për një vdekje që ndodhi në QKUK